Aktuazioa Zaldibarren

2010-07-05 By

Iragan asteburuan Elgetan izan ondoren, gure hurrengo aktuazioa Zaldibarko jaietan izango da asteazkenean, bi ordu t’erdiz. Aktuazioa 19,30etan hasi eta 22,00etan bukatuko da. Txupinazoarekin batera hasiko da emanaldia, eta tartean odoloste-jana eginda, kontzertuak hasi aurretik afalordurako tartea utzita emango zaio amaiera emanaldiari.

Hauxe da egun horretarako Zaldibarko jaietako egitarau osoa:

Uztailak 7 – Eguaztena

10:00 – 14:00 Bizi Letra maratoia.Irteera: liburutegitik

19:00 Herriko jendeak donien-atxa ipiniko du.

19:15 Jaietako kartelen lehiaketako sari-banaketa udaletxean

19:30 Jaien hasiera iragartzeko, udaletxetik txapligua jaurtiko du Ane Alberdik:

– Euskadiko arku tiro txapelketako txapelduna, aretoko eta atari zabaleko modalitatean

– Europako arku tiro txapelketako txapeldunordea, minusbaliatuentzako aretoko modalitatean

Gero kalejira Koral elkarteko trikitilariekin eta buruhandiekin.

19:30 Ustekabe txaranga

20:00 Odoloste-jana Bekoetxe kalean.

23:00 Herriko taldeekin, Rock kontzertuak txosna gunean

Egitarau osoa Zaldibarko Udalaren webgunean eskuragarri. Deskargatu pdf-a

Udako egutegia Eibarko Umeen danborrada eginda ireki zen, eta Zaldibarko jaien ondoren, Errioxa eta Gasteizera irteerak ere etorriko dira.

Eibartik joateko, trena

Eibartik bertara joan nahi duenak tren zerbitzua erabili dezake. Trenak orduro irtetzen dira Eibartik 6,13 eta 22,13 bitartean. Zaldibartik Eibarrera bueltzeko trenak daude orduro 06,52 eta 21,52 artean. Tarteka tren gehiago ere badaude (ordutegiak euskotren.es webgunean kontsultatu daitezke, deskargatu pdf-an).