Eibarko musika eskolako gazte talde bati festak eta ekintzak girotzeko talde bat sortzea bururatu zitzaien, eta horri esker, 2000. urtean Eibarren (Gipuzkoa) Ustekabe Txaranga sortu zen. Entsegu asko, kide berriak, kantuen moldaketa berri asko behar izan dira txarangak martxa hartu eta gaur egun garenera iritxi arte. Txarangak festa eta ekintzeta ezberdin askotan esperientzia handia du, adibidez, festa internazionalak, kirol animazioak, kuadrilak, kalejirak, ezkontzak eta abar.

Gure musika lau haizeetara zabaldu dugu gure ibilbide guztian zehar: Condom (Frantzia), Zarautz, Zestoa, Matiena, Donostia, Gorliz, Mont de Marsan (Frantzia), Zumaia, Gasteiz, Mendaro, Sevilla, Usurbil, Lezama, Oñati, Soraluze, Berriatua, Elgeta eta oraindik geratzen zaizkigunak!