Gaur ez dugu aktuaziorik

2007-11-24 By

Azken urteotan Txistorra Egunaren ekitaldietan parte hartu izan dugu Eibarko Udalak kontratatuta. Aurten, San Andres eguna barixakua izanik, eta GASTE Elkartearen proposamenaren baitan, San Andres egunean jotzea erabaki genuen. Udalari planteatu genion Musika Eskolako ikasleekin aktuazio bat prestatzea, horrek suposatzen duen lanarekin, eta balezkoa eman zigun.

Gure proposamenak jasotzen zuen Txistorra Egunerako beste fanfarre bat ekartzea. Eskaintza ere egin genion Udalari, guztiz doan beharrezko gestioak egingo genituela. Fanfarre bat proposatu genuen horretarako baina ez ziren harremanetan ere jarri; Beer Band taldearen kontzertua dela eta, egitaraua aski asetuta dagoela erabaki baitute.

Akatsak El Correo-n

Hala ere, El Correon esan zuten Ustekabek jai hau alaituko zuela. Noski, errektifikazioa bidali genien. Ez dute akatsa zuzendu, ez dute oker zegoenik publikatu, eta gainera, gaur ere esan dute joko dugula. Argitu nahi dugu gaur ez daukagula aktuaziorik. Gure hurrengo aktuazioa, lehenago aurreratu dugun bezala, datorren ostiralean izango da, hilak 30, San Andres egunean.