Ez da Bergaran jotzeko izan dugun lehen aukera, baina tamalez, arrazoi bat edo beste tarteko, orain arte ez dugu bertan jotzeko aukerarik izan. Baina iritsi zaigu herri honetako kaleak ere alaitzeko garaia: gure hurrengo aktuazioa bertan izango da, irailaren 12an; hasi eguerdiko 12etan eta bukatu, bertan bazkaldu ondoren, arratsaldeko 7ak arte arituko gara. Irailaren 16an San Martin eguna ospatzen dute Bergaran, eta horren aurreko larunbatean feria egiten dute.
“San Martin Agirre bergarar santu martiriaren omenezko jaiak irailaren 16an biltzen dira; San Martin eguneko aurreko larunbatean feria egiten da, eta bertan eskualdeko barazki, fruitu, gazta eta loreen lehiaketa irekia izaten da. Azokaz gain, haur eta helduen danborrada eta suzko erruberak ere izaten dira.”
Pixkanaka gero eta herri gehiagotara eraman dugu Eibarko herriaren izena gure doinu alaien bidez, eta piskanaka gure ibilbidearen mapa txintxetaz betetzen ari gara, Gipuzkoa eta Bizkaian batez ere. Gure fanfarre hau zure herriko jaietara eramateko hemen dituzu harremanetarako datuak.
