Apirilean Gipuzkoako Bertso Eskolen jaialdia alaitzen aritu ginen: Untzaga plazan lehenengo, eta Coliseora kalejira eginda ondoren. Eguraldiak ere lagundu zuen, eta giro polita izan genuen Eibarko kaleetan. Gipuzkoako Bertsozale Elkarteari esker Oroitz Azurmendiren argazkiak ekarri ditugu gure webgunera.
2010/06/07
2010/06/04
Ustekabe amenizará las horas previas al partido del Eibar
La fanfarre Ustekabe de Eibar actuará este próximo domingo, de 5 a 7 de la tarde, para calentar motores con la afición antes del partido que la S.D. Eibar disputará ante el Ontiyent en el play off de ascenso a Segunda División A. La actuación se enmarca dentro de las actividades organizadas desde Eskozia La Brava y que tendrán lugar entre las torres de Ipurua.
En la foto, Ustekabe en el ascenso de la J. D. Arrate a la liga asobal, en 2003.
2010/04/19
Ane Lahidalga, Oh Happy Day saioan beste hainbat eibartarrekin batera
Gure fanfarreko Ane Lahidalga ETBn aritu da kantuan azken asteotan, Eibarko Koro Gaztearekin batera Oh Happy Day saioan. Larunbatean izango da finala, eta Eibarren Untzagako plazan jarriko duten pantaila erraldoiean jarraitu ahal izango da.
Eibarko abesbatz hau Juan Bautista Gisasola Musika Eskolatik irtendako proiektu bat izan da, eta askok “gazteriarentzako eredugarri” den lantzat hartu dute. Independentzia osoz baina musika eskola beretik sortutako proiektua izan zen bere garaian gure fanfarre hau ere.
Ustekabeko lagunok zorte ona opa diegu gure herriko abeslariei eta bereziki Ane Lahidalga gure taldeko kideari. Aupa gaztiak!
2010/02/25
Ustekabe, Googleren mapan
Google Local Business zerbitzuan alta eman genuen eta orain mapan agertzen gara.
Bistan denez, bi modutan gaude mapan:
1. Maparen marrazkian bertan jarri dute Ustekabe Fanfarrea bere kokapenean. Beste elkarte eta negozio batzuk ere badaude eraikinean, baina ez dira ageri mapan.
2. Txintxeta bat dago klikagarri, eta hor klikatu ezkero fanfarrearen informazioa dago.
Fanfarre Ustekabe
Calle de Bittor Sarasketa, 7, 20600 Eibar, Spain / 649 933 512
ustekabe.com
2010/02/17
2010/02/11
Larunbatean, obreroz jantzita, kalera
Larunbaterako plana:
18.00 Estaziñotik kalejira Ustekabe Fanfarrearekin.
-Kale animazioa Toribio Etxeberria, Untzaga eta Kalbetoi, Zuloagatarren kaleen inguruetan.
-Kalejira Urkizura (19,30 inguruan, San Andres elizatik)
20.00 Kalejira Urkizutik.
Fanfarrea ezagutu
2010/01/20
Aratosteak 2010: emanaldia Eibarren
Iaz ez bezala, aurtengo aratosteetan kalera irtengo da Ustekabe Fanfarrea berriro. Beste urte batzuetan Eguen Zuri (osteguna) egunean jo izan dugu Eibarren, eta larunbatean beste herriren batean. Aurten aktuazio bakarra aurreikusten dugu aratosteetan, eta larunbatean izango da hain zuzen, Eibarren, arratsaldeko 6etatik 9etara.
2009/09/20
Lokal berria daukagu
Errebal kalean hasi ginen 2000. urtean. Duela pare bat urte Musika Eskola Portalea kultur etxera eraman zuten, eta hara joan ginen, aurtengo udara arte. Portalea lehenago AYA (Agirre y Aranzabal) enpresa zegoen eraikinean egindako kulturetxea da, eta fabrika ohi batetik beste batera goaz.
Izan ere, hemendik aurrera, denboraldi baterako behintzat, Bittor Sarasketa kalera goaz, lehenago Beistegi Hermanos (BH) zegoen tokiko 3. pisura, hainbat urtez “Ama-Lur” elkartearena izan dena. Lokala konpartituko dugu “Cielito” Udal Musika Bandarekin, “Usartza” Txistulari Taldearekin eta Eibarko Danborradarekin. Txukuntzen ari gara oraindik, baina argazki batzuk igo ditugu gure Flickr kontura.
2009/09/15
Twitter probatzen
Ustekaberen twitter kontua sortu dugu pasa den astean, eta konfiguratu dugu zuzenean mezuak Facebookeko gure perfilean argitaratzeko, eta baita hemen, ustekabe.com webgunearen eskumako menuan agertzeko gure azken twitteoak. Datozen hilabeteotan jeitsi egingo da Ustekaberen aktibitatea eta ez da hainbeste antzemango; baina aurrerago, aktuazioetatik eguneratu ahal izango dugu telefono mugikorraren bidez.
Bergaran egon ginen larunbatean, eta oraindik ez genuen mugikorrez eguneraketak egiteko beharrezko konfigurazioa ezarrita. Bueltan tweet hau idatzi genuen:
Bergaratik bueltan. Azoka, bazkarixa, jolasak, umiendako tallerrak… gustora aritu gara 7 orduz giroa alaitzen!
Ba, horixe. Ez genuen zuzenean kontatu, baina egun ederra pasatu genuen Bergaran. 
2009/09/02
Ustekabe, bergara.net-en
Ez litzateke albiste izan behar, baina uste dut lehen aldia dela Udal batek bere jai egitarauan link bat jartzen diguna. Duela egun batzuk idatzi genuen Ustekabek Bergaran joko zuela, eta Bergarako Udalak egitaraua argitaratu duenean esteka jarri du guk publikatutako albistera.
Bergarako Udalak link bat jarri du bere webgunean, jaietako programan, Ustekabek bere blogean emanaldiaz idatzitako albisteari.
Egitaraua pdf formatuan deskargatu dezakezue. Apunte batzuk destakatzearren:
- Barazki, fruiti eta gazta lehiaketa. Odoloste dastaketa.
- Trikitilariak. Txistulariak. Dultzaineroak.
- Txomingeroen bazkaria.
- Koadrilen arteko jolasak, zezentxoak eta poniak, bonba japoniarrak.
- Erraldoiak, kilikiak, buruhaundiak.
- Tirri-Tarraren Argi-Beltz emanaldia, Bergarako Orfeoia eta Aritzeta abesbatzarekin.
Guzti honekin batera, besteak beste, arituko da Ustekabe fanfarrea Bergarako kaleak alaitzen datorren irailaren 12an.
