Ustekabe Fanfarrea » fanfarre

Si buscas txaranga en Google debería de salirte esta página

josu — Mon, 06 Feb 2012 15:53:27 +0000

Y qué cosas, tal vez no sea éste el primer resultado… pero a nosotros nos da igual. Ya que en el SEO no parece que estemos acertando demasiado, pues hemos vuelto al papel, que estabamos necesitados de tarjetas de visita, y hemos aprovechado para poner ahí el resultado que debiera dar Google. A ver si va aprendiendo… pues nada, con la tarjeta os dejamos, esperemos que os guste.

Como véis en la foto, para los vagos, hemos incluido hasta el código QR. Que siempre habrá gente que le de pereza escribir ustekabe.com (los músicos, que tenemos fama de vagos, sabemos mucho de eso!).

PD: si resulta que sí habéis llegado a ésta página buscando txaranga, puedes llamarnos al 680 21 88 46 o escribirnos a ustekabe@gmail.com.

Euskal Kulturaren aurkibidea

josu — Mon, 19 Jul 2010 14:06:57 +0000

Telefonoz eta emailez eskaera asko izaten ditugu data bererako, eta guztiei ezin izaten dugu baietz erantzun. Beste batzuetan ez Ustekaberen agendarengaitik: Cielito Eibarko Musika Bandak kontzertua daukalako (Ustekabeko kide asko bertako musikari ere bagara), kideok lan egin behar dugulako edo beste kide batzuk azterketa garaian dabiltzalako, agian. Ez da xamurra izaten bezero bati ezetz erantzun behar izatea, eta bederatzi urte hauotan ezetz esan behar izan diegun guzti horiei barkamenak eskatzen dizkiegu.

Aktuazio eske deitzen gaituztenean, askotan azken orduan sortu zaien behar bati erantzuteko izaten da. Guk, bezero bati ezetz esaten diogunean, nahiago izaten dugu bere esku beste alternatiba batzuk jarri, eta kasu horietan erraminta baliagarri bat erakusten diegu: Euskal Kulturaren Aurkibidea (Argia.com).

Gurekin harremanetan jartzen direnek normalean ez dute aurkibide hau ezagutzen, eta oso baliagarria izaten zaie beste txaranga batekin, gaiteroekin, trikitilariekin… kontaktatzeko. Kulturgintzako beste alor askotarako ere baliagarria da gida hau.

Lokal berria daukagu

josu — Sun, 20 Sep 2009 17:47:30 +0000

Errebal kalean hasi ginen 2000. urtean. Duela pare bat urte Musika Eskola Portalea kultur etxera eraman zuten, eta hara joan ginen, aurtengo udara arte. Portalea lehenago AYA (Agirre y Aranzabal) enpresa zegoen eraikinean egindako kulturetxea da, eta fabrika ohi batetik beste batera goaz.

Izan ere, hemendik aurrera, denboraldi baterako behintzat, Bittor Sarasketa kalera goaz, lehenago Beistegi Hermanos (BH) zegoen tokiko 3. pisura, hainbat urtez “Ama-Lur” elkartearena izan dena. Lokala konpartituko dugu “Cielito” Udal Musika Bandarekin, “Usartza” Txistulari Taldearekin eta Eibarko Danborradarekin. Txukuntzen ari gara oraindik, baina argazki batzuk igo ditugu gure Flickr kontura.

Ustekabe, bergara.net-en

josu — Wed, 02 Sep 2009 17:06:45 +0000

Ez litzateke albiste izan behar, baina uste dut lehen aldia dela Udal batek bere jai egitarauan link bat jartzen diguna. Duela egun batzuk idatzi genuen Ustekabek Bergaran joko zuela, eta Bergarako Udalak egitaraua argitaratu duenean esteka jarri du guk publikatutako albistera.

Bergarako Udalak link bat jarri du bere webgunean, jaietako programan, Ustekabek bere blogean emanaldiaz idatzitako albisteari.

Egitaraua pdf formatuan deskargatu dezakezue. Apunte batzuk destakatzearren:

Barazki, fruiti eta gazta lehiaketa. Odoloste dastaketa.
Trikitilariak. Txistulariak. Dultzaineroak.
Txomingeroen bazkaria.
Koadrilen arteko jolasak, zezentxoak eta poniak, bonba japoniarrak.
Erraldoiak, kilikiak, buruhaundiak.
Tirri-Tarraren Argi-Beltz emanaldia, Bergarako Orfeoia eta Aritzeta abesbatzarekin.

Guzti honekin batera, besteak beste, arituko da Ustekabe fanfarrea Bergarako kaleak alaitzen datorren irailaren 12an.

Blusak isilik Gasteizko jaietako azken paseiloan

josu — Sun, 09 Aug 2009 16:42:45 +0000

Ertzantzak hainbat blusa koadrilari jaietarako erabiltzen dituzten furgonetak eta pankartak kendu dizkie, terrorismoa babesten zutela leporatuta, blusek kontatu digutenez. Horren aurrean protesta egitea erabaki dute Gasteizko blusa eta neskek, paseilo osoa isilean eginez.

Koadrila bakoitzak bere furgoneta eta pankarta daramatza, eta pankartek gaurkotasuna eta kritika politiko-soziala lantzen dute kasu askotan. Furgonetak edariak eramateko erabiltzen dituzte, baina ikusgarriak izaten dira nola apaintzen dituzten. Horietako batzuek euskal presoen eskubideen aldeko aldarriak izaten dituzte, edo izan dituzte orain arte, behintzat. Gaur ez: terrorismoaren apologia egotzita furgonetak eta pankartak kendu dizkie Ertzantzak hainbat koadrilari.

Paseiloak alai eta algaratsu beharko lirateke izan, hala dira bere jatorritik. Baina gaurkoa desberdina izan da. Joanak eta etorriak zenbatuz, dagoeneko 70 baino gehiago egin ditugu azken 6 urteotan, eta halakorik ez dugu bizi izan orain arte. Blusek protesta egitea erabaki dute, eta isilean egin dugu paseilo osoa.

Florida kale amaierara iritsi garenean kontenedore batekin egin dugu topo, kale erdian. Atzean, dozenaka blusa lurrean eserita, gure txaranga eta blusa koadrilari txalo zaparrada batez eskerrak emateko gertu. 23 koadrilatik 21ek errespetatu du erabakia; beste 2 koadrilen txarangek jo egin dute, eta txistu egin diete. Protesta egin duten eta egin ez dutenen artean liskarrak izan dira, paseiloaren amaieran.

Gasteizko blusen jatorria

ustekabe — Tue, 04 Aug 2009 12:29:35 +0000

Gasteizko jaietako elementu garrantzitsuenak dira neska eta blusa koadrilak. Ama Zuriaren jaiak intentsitate handienaz ospatzeko modua blusa edo neska izatea dela diote, eta ez dira gutxi hori aukeratzen dutenak: 80 pertsona inguruko 20 taldetik gora daude… baina gutxik dakite zein den koadrila hauen jatorria.

Jatorrizkoa: Creative Commons Aitortu Partekatu © cc-by-sa: Shaury

Duela urte asko, Los Alegrios koadrilakoek kontatu digutenez, lanetik irten eta zezenetara joaten ziren gasteiztarrak, La Blanca zezen-feria izaten zen egunetan; laneko jantziak aldatu gabe eta ardo zahatoa, txorizo otartekoa eta patxarana esku artean zutela. Irudi bitxia sortzen zen zezen plazan: harmailetako zati bakoitzak kolore bat zuen: errementarien urdina alde batetik, okinen txuria bestetik, Heineken banatzaileen berdea bestetik…

Zezenak bukatu eta tabernaz taberna itzultzen ziren erdialdera, alkohol karga ederraz. Itzulera hau abestuz eta dantzatuz egiten zuten, ardoak jendeari sortzen dion poztasuna dela-eta. Batzuk laster animatu ziren txistua eta danbolina ere eramatera, kantuekin batera jotzeko… langile taldeak ziren, bakoitza bere laneko uniformea jantzita, guztiak bere musikarekin eta txorakeriak egiten. Badirudi gasteiztarrek ondo pasatzen zutela hau ikustean, eta hor sortu ziren “paseillo” famatuak. Laneko jantziak, blusak alegia, ziren koadrila bakoitzaren ezaugarri nagusia… eta hortik ei dator kolektibo honen izena.

Blusak, gaur egun

Gaur egun ofizializatu egin dira blusa eta neska koadrilak, eta ez dute bere jatorriarekin zerikusi zuzenik. Blusa eta Neska Batzordean elkartuta daude koadrila guztiak, eta bere esku daude Gasteizko jaietako ekitaldi asko. Laneko jantzietatik, era traketsean herrikotua izan den baserritar jantziaren estereotipora eboluzionatu dute (blusa beltz, urdin edo koadrodunak; marradun prakak; abarkak, txapela eta alkondara txuria). Talde hauek hainbat ekitaldi antolatzen dituzte: nagusien egoitzetara bisitak, dastatze gastronomikoak, umeentzako ekintzak… baina joan-etorriko “paseilloak” dira, zalantzarik gabe, blusen ekitaldi garrantzitsuenak.

Sustatun argitaratua

Aktuazioak Elgetan

josu — Thu, 02 Jul 2009 12:45:59 +0000

Ustekabe fanfarreak, Sanjuanetan jo ondoren, Elgetako jaiei musika jarriko die gaur eta datorren larunbatean. Pasa den urtean ere jo genuen Elgetan, baina ez da kontu berria.

Gure nagusiak gaztetxo zirenean, Bergarako eta Eibarko musikoak igotzen ziren Elgetara. Udal Bandak, baina baita Eibarko Bandatik ospa egindako batzuk, ‘Los Rebeldes’ izenaz ezagunak zirenak (oker ez baldin banago, behintzat). Ez daukat dokumenturik izena konfirmatzeko, baina ahotsak.com-en argitaratuko dutelakoan nago.

Ustekabe ‘korrika’ itzuliko da

josu — Thu, 02 Apr 2009 00:49:43 +0000

Ustekabe fanfarreak ongietorria emango dio Eibarren Korrikari
Eibarko Ustekabe fanfarrea kalera itzuliko da Korrikaren agerraldiarekin batera. Denboraldia
Sanjuanetan hasiko bada ere, salbuespena egingo du txaranga armaginak Eibarko kaleetan jaigiroa
hedatzeko asmotan. Aktuazioa apirilaren 5ean izango da, larunbata, arratsaldeko 7,30etatik aurrera.

Abuztuan, Gasteizko jaietan denboraldia itxi eta 2009ko kanpaina hasi bitartean Ustekabek
kalearekin izango duen kontaktu bakarra izatea espero dute. Tarte honetan kantu berriak prestatzen
eta aurrekoak hobetzen burubelarri jarraituko dute lanean.

Musikalki prestatzearekin batera, udako egutegia antolatzeko gestioetan ari da Ustekabe. Azken
urteotan bezala, Euskal Herriko hainbat herri alaituko dituzte musikari eibartarrek, eta horretarako
plangintza burutzen ari dira asteotan. Saxofoi, tronpeta, tronboi, klarinete hotsak berriro ere itzuliko
dira betiko doinu eta kanta berriak gure jaietara ekarriz.

Ustekabeak denda

josu — Sat, 11 Oct 2008 12:57:05 +0000

Sorpresa izan da azken asteotan Eibarren. Denda berria, Urkizu eta Bidebarrieta kaleen artean: Ustekabeak. Jende askok galdetu digu ea zerikusirik dugun. Argitze aldera: ez. Bazar txinatarra ei da. Guk ez dugu horrelako negoziorik jarri abian, momentuz.

bazar txinatarraren argazkia

Oporrak!

josu — Sun, 10 Aug 2008 02:49:51 +0000

Bukatu dira Gasteizko jaiak, eta itxi dugu honezkero 2007-2008 denboraldia. Asko eman du kurtsoak, egoitza aldaketaz hasi genuen, jende berria sartu da, Musika Eskolako 50 ikasle atera genituen kalera, Burrunbazale txarangan lagunak egin ditugu, berriro ere Gasteizko jaietako txaranga jendetsuena izan gara, abesti berriak sartu ditugu…

Bideoa: Musika Eskolako ikasleekin egindako emanaldia (2007/XI/30):

Orain oporrak iritsi zaizkigu. Guk ere atsegin dugu beste txaranga batzuen atzetik dantzan ibiltzea, eta horretan, eguzkia hartzen edo liburutegiko aulkia berotzen emango ditugu datozen asteak. Ustekabe oporretan dago. Ondo pasa!