Aurtengo Eibarkoaratosteetako pregoia Ustekabe fanfarrearen esku izango da, ostiralean arratsaldeko 9etan. Izendapena etakitto! Euskara Elkarteak egin du, hau baita pregoia antolatzeaz urtero arduratzen den kolektiboa. Ustekabeko kideok ilusio handiz hartu dugu proposamena. Fanfarreak Kaldereroetan parte hartzen du eta, beraz, pregoiaren momentuan Plazan egotea aurreikusi arren, ez genuen espero horrelako proposamenik. Emozioa eragin digu eta gustu handiz hartuko dugu parte.
Ustekabek Kaldereroiei doinuak jarriko dizkie aurten ere. Aratosteetan ez dugu beste aktuaziorik egingo. Fanfarreako kide gehienak ikasleak gara eta azterketa-garaian gabiltza. Hori izan da oztopo nagusia, gu fanfarrean bagaude gozatzeko baita, eta azterketak gainean ez genuen ikusten gozamendurako aukera larregirik. Horretara, aktuazio guztiak ukatzea erabaki dugu. Aurtengo aratosteetan egingo duen aktuazio bakarra Kaldereroena izango da. Pozik hartzen dugu parte eta Kezka Dantza Taldeari eskertzen diogu gurekin kontatu izana.
Maitane gogoan
Duela urtebete hil zen Maitane Castillo, Fanfarreako kidea, eta Kezkako dantzaria, 18 urte zituela. Datak horrela iritsi dira, eta lehen urteurrenak aratosteekin bat egiten du. Pregoia omenaldi xume bat izango da, ekitaldi oroigarri bat. Berari eskeini nahi diogu pregoi hau.
Afaria Untzagan
Kaldereroak amaitutakoan, Ustekabe fanfarreako kideek Untzaga Plazan dagoen karpan egingo dugu afaria. Hainbat urtez eskatu dugu karpa egon dadila, eta orain badagoela, eskatutakoarekin koherentziaz, bertan egingo dugu afaria. Ustekabe fanfarreatik eskerrak eman nahi dizkiogu Club Lambrettari, afaria antolatzeko izan duen prestutasunagatik.
Argazkia: Felipe Loyola. Kezka Dantza Taldea. Copyright.
Kaldereroen ibilbidea Eibarren (mapa)
