Errebal kalean hasi ginen 2000. urtean. Duela pare bat urte Musika Eskola Portalea kultur etxera eraman zuten, eta hara joan ginen, aurtengo udara arte. Portalea lehenago AYA (Agirre y Aranzabal) enpresa zegoen eraikinean egindako kulturetxea da, eta fabrika ohi batetik beste batera goaz.
Izan ere, hemendik aurrera, denboraldi baterako behintzat, Bittor Sarasketa kalera goaz, lehenago Beistegi Hermanos (BH) zegoen tokiko 3. pisura, hainbat urtez “Ama-Lur” elkartearena izan dena. Lokala konpartituko dugu “Cielito” Udal Musika Bandarekin, “Usartza” Txistulari Taldearekin eta Eibarko Danborradarekin. Txukuntzen ari gara oraindik, baina argazki batzuk igo ditugu gure Flickr kontura.
Ustekaberen twitter kontua sortu dugu pasa den astean, eta konfiguratu dugu zuzenean mezuak Facebookeko gure perfilean argitaratzeko, eta baita hemen, ustekabe.com webgunearen eskumako menuan agertzeko gure azken twitteoak. Datozen hilabeteotan jeitsi egingo da Ustekaberen aktibitatea eta ez da hainbeste antzemango; baina aurrerago, aktuazioetatik eguneratu ahal izango dugu telefono mugikorraren bidez.
Bergaran egon ginen larunbatean, eta oraindik ez genuen mugikorrez eguneraketak egiteko beharrezko konfigurazioa ezarrita. Bueltan tweet hau idatzi genuen:
Bergaratik bueltan. Azoka, bazkarixa, jolasak, umiendako tallerrak… gustora aritu gara 7 orduz giroa alaitzen!
Ba, horixe. Ez genuen zuzenean kontatu, baina egun ederra pasatu genuen Bergaran.
Ez litzateke albiste izan behar, baina uste dut lehen aldia dela Udal batek bere jai egitarauan link bat jartzen diguna. Duela egun batzuk idatzi genuen Ustekabek Bergaran joko zuela, eta Bergarako Udalak egitaraua argitaratu duenean esteka jarri du guk publikatutako albistera.
Bergarako Udalak link bat jarri du bere webgunean, jaietako programan, Ustekabek bere blogean emanaldiaz idatzitako albisteari.
Ez da Bergaran jotzeko izan dugun lehen aukera, baina tamalez, arrazoi bat edo beste tarteko, orain arte ez dugu bertan jotzeko aukerarik izan. Baina iritsi zaigu herri honetako kaleak ere alaitzeko garaia: gure hurrengo aktuazioa bertan izango da, irailaren 12an; hasi eguerdiko 12etan eta bukatu, bertan bazkaldu ondoren, arratsaldeko 7ak arte arituko gara. Irailaren 16an San Martin eguna ospatzen dute Bergaran, eta horren aurreko larunbatean feria egiten dute.
“San Martin Agirre bergarar santu martiriaren omenezko jaiak irailaren 16an biltzen dira; San Martin eguneko aurreko larunbatean feria egiten da, eta bertan eskualdeko barazki, fruitu, gazta eta loreen lehiaketa irekia izaten da. Azokaz gain, haur eta helduen danborrada eta suzko erruberak ere izaten dira.”
Reportaje emitido en Teleberri (ETB), en el que se cuenta la evolución de la música en nuestras fiestas. En el vídeo habla Josu Mendicute, miembro de la Fanfarre Ustekabe. Un equipo de Euskal Telebista grabó uno de nuestros paseíllos en las fiestas de La Blanca 2009 (Vitoria-Gasteiz), y aquí podéis ver parte de las imágenes.
Con la música a todas partes: con cambios pero seguimos necesitándola en nuestras fiestas. Además de Ustekabe, en el vídeo salen txistularis, trikitilaris, Gorka Knör, Kerobia, alboka, Gitano Antón, verbenas… y habla también Pedro Elosegi, Director de la Escuela Municipal de Folclore de Vitoria.
Ertzantzak hainbat blusa koadrilari jaietarako erabiltzen dituzten furgonetak eta pankartak kendu dizkie, terrorismoa babesten zutela leporatuta, blusek kontatu digutenez. Horren aurrean protesta egitea erabaki dute Gasteizko blusa eta neskek, paseilo osoa isilean eginez.
Gasteizko jaietako elementu garrantzitsuenak dira neska eta blusa koadrilak. Ama Zuriaren jaiak intentsitate handienaz ospatzeko modua blusa edo neska izatea dela diote, eta ez dira gutxi hori aukeratzen dutenak: 80 pertsona inguruko 20 taldetik gora daude… baina gutxik dakite zein den koadrila hauen jatorria.
Ustekabe fanfarreak, Sanjuanetan jo ondoren, Elgetako jaiei musika jarriko die gaur eta datorren larunbatean. Pasa den urtean ere jo genuen Elgetan, baina ez da kontu berria.
Gure nagusiak gaztetxo zirenean, Bergarako eta Eibarko musikoak igotzen ziren Elgetara. Udal Bandak, baina baita Eibarko Bandatik ospa egindako batzuk, ‘Los Rebeldes’ izenaz ezagunak zirenak (oker ez baldin banago, behintzat). Ez daukat dokumenturik izena konfirmatzeko, baina ahotsak.com-en argitaratuko dutelakoan nago.
Ustekabe fanfarreak ongietorria emango dio Eibarren Korrikari
Eibarko Ustekabe fanfarrea kalera itzuliko da Korrikaren agerraldiarekin batera. Denboraldia
Sanjuanetan hasiko bada ere, salbuespena egingo du txaranga armaginak Eibarko kaleetan jaigiroa
hedatzeko asmotan. Aktuazioa apirilaren 5ean izango da, larunbata, arratsaldeko 7,30etatik aurrera.
Abuztuan, Gasteizko jaietan denboraldia itxi eta 2009ko kanpaina hasi bitartean Ustekabek
kalearekin izango duen kontaktu bakarra izatea espero dute. Tarte honetan kantu berriak prestatzen
eta aurrekoak hobetzen burubelarri jarraituko dute lanean.
Musikalki prestatzearekin batera, udako egutegia antolatzeko gestioetan ari da Ustekabe. Azken
urteotan bezala, Euskal Herriko hainbat herri alaituko dituzte musikari eibartarrek, eta horretarako
plangintza burutzen ari dira asteotan. Saxofoi, tronpeta, tronboi, klarinete hotsak berriro ere itzuliko
dira betiko doinu eta kanta berriak gure jaietara ekarriz.
Ustekabe fanfarreko Aimar Goenaga eta Josu Mendicute, bonbojole eta saxofoilaria, Euskadi Irratian izan ginen pasa den asteazkenean. “Haizezko instrumentua jotzen dut” zen gaia, gurekin batera egon zen Amaia Beloki txistulari legazpiarra.
